Helga 1.-3. juni blir det årsmøte i Norsk Villsaulag. Denne gongen tek vi turen til Austevoll. Det var som kjent her rasa overlevde når ho nærmast var utrydda, og mange av dei mest erfarne villsaufolka i Noreg finn ein nettopp i Austevoll.
Leiar Bård Nordstrand og resten av laget i Austevoll arbeider framleis med programmet, men ein av tinga som kjem til å bli diskutert er korleis ein kan halde rasa rein, då med endringane i tilskotsregimet som bakteppe.
Som alltid vert det lagt opp til ei triveleg ramme med mykje god mat, sosiale aktivitetar og omvising i nærmiljøet og aktuelle villsaulokalitetar.
Årsmøtet vert helde på Stangeland Gjestegard på Stolmen.
 |
| Foto: Stangeland Gjestegard
Saker til årsmøtet skal meldast seinast 5 veker før årsmøtet. Desse kan sendast til post@villsau.no .
Enkeltmedlemar kan fremje saker gjennom styret i NVL. Årsmøtet er samansett av styret og utsendingar frå lokallaga. Kvart lokallag har 2 utsendingar til årsmøtet. I tillegg kan lokallaga delta med 1 utsending for kvar 50. betalande medlem. Andre medlemar kan møte med uttalerett, jamfør § 7 i NVL sine vedtekter. Vi oppmoder alle villsauintresserte som har moglegheit til å ta turen. For styret i Norsk Villsaulag Daniel Fjørtoft Nestleiar Ps: Endå ikkje medlem i NVL? Sjekk ut kvifor du skal bli med hjå oss ved å klikke her! |
Kommentarer
Legg inn en kommentar